2023年送虎迎兔，家居吉凶方位係點決定？所謂天有九星、地有九宮，九宮飛星即將屋企分成九格，代表正東、正南、正西、正北、東南、西南、西北、東北，以及方位正中間（中宮）的位置，九粒星則每年依循順飛或逆飛進駐該年的方位，九星中五吉四凶，分別為一白貪狼星、二黑巨門星、三碧祿存星、四綠文曲星、五黃廉貞星、六白左輔星、七赤破軍星、八白武曲星、九紫右弼星。
如該方位進駐吉星，我們可以透過顏色或小擺設去催旺吉位，但如該方位進駐凶星，甚至有時需要配合傳統擋煞用具，咁2023兔年九宮飛星吉凶方位點分怖？有咩用具可以趨吉避凶？呢啲工具又有咩故事同力量呢？開始前事先聲明，玄學之說只作參考，切忽迷信。
了解五行互相幫助、克制嘅規則
互相幫助，有助互相提高該屬性能量
相生屬性
水生木、木生火、火生土、土生金、金生水
相同屬性相扶
木幫木、火幫火、水幫水、土扶土、金扶金
互相剋制，有助互相減低該屬性能量
水剋火、火剋金、金剋木、木剋土、土剋水
相生對調洩氣
木洩水、火洩木、土洩火、金洩土、水洩金
2023兔年九宮飛星吉凶方位
今年凶星幾乎霸哂九宮格嘅角落，2023兔年九宮飛星吉凶方位中西北、東南、東北、及正東方，先由最惡毒果位講起：
五黃星-五黄廉貞星（主災害、禍患、死亡等凶事）
2023兔年進駐西北方（五黄位）
五黄星係四粒凶星中最凶險嘅凶星，又稱五黄煞，方位忌紅色及黃色，煞氣會被催升，如果廚房或睡房於家中西北方，容易發生意外或影響運程，比較好彩嘅係西北方屬金，有助洩去五黃土氣，減低影響，仲可以配合傳統破煞神器五帝錢，銅製五帝錢同樣屬金，可抑制五黃煞，五帝錢代表中國國力最強大的年代由順治開始、康熙、雍正、乾隆、嘉慶，這五個年代皆國運昌隆、天下太平，所以五帝錢認為具有提升運氣、招財、鎮宅、避邪等功效。不過記得要開過光或淨化過，否則功效將大打折扣。
七赤星-七赤破軍星（主破財/漏財）
2023兔年進駐東北方（破財位）
東北屬土，七赤星屬金，土生金的情形下，今年破財位嘅力量較強，容易令人做錯決定破財，今年東北方忌放刀具，刀具屬金，金扶金隨時血光之災，方位應保持整潔，避免放置太多雜物導致思緒混亂，七赤星亦主緋聞、口舌、外遇，做事必須三思而行，檔煞可以以屬火嘅朱雀擺設擋煞。
三碧星-三碧祿存星（主是非/紛爭）
2023兔年進駐東南方（是非位）
唔好以為是非好小事，是非及紛爭除左爭執矛盾外，亦代表官非，如果工作嘅位置於東南方要小心處理及審核文件，以免惹上官非，東南方及三碧星同屬木，影響不容小覷，所謂三碧屬木、遇火即化，以紅色揮春或利是置於是非位有助洩去三碧星木氣。
二黑星-二黑巨門星（主疾病）
2023兔年進駐正東方（病符位）
正東屬木，二黑星屬土，木剋土本身有助減退二黑星的能量，所謂萬金難買健康來，尤其廚房於東方的話要小心病從口入，要注意煮食安全，如果冷氣風扇置於家中東方要小心吹入病氣，傳統上可以銅製音樂盒或六帝錢，以銅嘅金屬性洩二門之土氣，六帝錢與五帝錢功效相約，於五帝基礎下加上道光帝年，六銅錢意味六白武曲星（屬金），金金相扶，大收擋煞之效。
四綠星-四綠文曲星（主事業/學業）
2023兔年進駐中宮方（文昌位）
終於講完凶星，九宮飛星由中宮開始飛入主駐，由四綠星（吉星）開始，中宮屬土，文曲星屬水，土剋水下影響四綠星能量，所謂一四同宮顯科名，一白為水，文曲星屬水，水幫水嘅格局可以以水養四枝富貴竹，有一有四，形巒頭之勢，有助提升學業運，亦可選擇置放銅製文昌塔，土生金能加多文昌塔正面能量，塑製屬火今年響中宮就唔太合適。
九紫星-九紫右弼星（主喜慶、喜事）
2023兔年進駐中正北方（喜神位）
九紫星主喜事包括訂婚、結婚、添丁等，紅事能沖喜人盡皆知，喜神位必須保持明亮通爽，紅色及紫色擺設大利喜神位，收大紅大紫之意。
六白星-六白武曲星（主偏財）
2023兔年進駐中正西方（偏財位）
六白星屬性為金，主橫財、貴人，兔年進駐西方大利屬性能量，正西方屬金，金扶金勢不可擋，但要避免於偏財位放置垃圾桶或掃把等清潔用具，另外可放置貔貅增強能量，相傳貔貅係龍生九子嘅第九子，在五行中，龍屬土，土金相生，大利兔年偏財位。
八白星-八白左輔星（主財富、商機）
2023兔年進駐中正南方（正財位）
南方屬火，火生土亦大利正財，尤其做生意及經商人士，可以考慮以白色作為正財位嘅主色，避免使用黑、白、灰，而催運神器可選擇葫蘆或搖錢樹擺設，五行木生火，木製葫蘆比較適合。
一白星-一白貪狼星（主感情、人緣）
2023兔年進駐中西南方（桃花位）
最後唔少得桃花位，西南屬土，一白星屬水，所謂水來土掩，土剋水不利宮星能量，首先方位上避免放置大型傢具，避免對一白星能量做成抑壓，2023兔年桃花位宜放粉紅色嘅物品，如桃花、粉紅色水晶等催旺桃花，呢度大家有冇發現一樣嘢？粉紅色屬性為火，一白屬水，點解玄學專家一直提倡以水火相剋催旺桃花運？五行中有所謂正剋，講求平衡，所謂「火弱遇水，必見熄滅」；「水能克火，火旺水乾」；不過「火旺得水，方成既濟」，意思係足够强旺嘅火如果遇到能量相当的水来制衡，结果卻是相得益彰，无论对于火定水，都屬於吉利，一白星能量免年遇土，能量較弱，但亦需要火屬配合發揮更大能量，兔年唔適宜響桃花位置大量火屬物品，適量嘅火有助一白星提升能量，但太多容易火旺水乾。
相信大家對於2023兔年吉凶嘅方位，同點趨吉避凶有左更深嘅了解，筆者再一次聲明，人定勝天，玄學之說同左手一樣只能當輔助，未來完全可以憑雙手創造，而雙手亦可用嚟遨遊Hkstaroffer嘅網站，好多迎新優惠、旅遊玩樂優惠、購物優惠等資訊等你發掘，好多都係「零成本，大優惠」，動起來，發返個新年財啦！